Со склопувањето на последното Polo, 40 години по почетокот на производството во шпанската фабрика Навара во Памплона, завршува европското производство на бестселерот на Volkswagen.
Иднината на фабриката е во производството на два нови EV модели, а Polo се сели во Јужноафриканската Република, од каде ќе пристигне и на Стариот континент.
Првиот VW Polo произведен во Шпанија ја напушти производствената лента на Volkswagen во Навара. На 20 март 1984 година и сега, по нешто повеќе од 40 години и произведени 8.422.161 единици, фабриката се збогува со легендарниот германски бестселер.
Последното Polo произведено во Шпанија беше син пример со 1.0 TSI мотор од 95 КС, петстепен мануелен менувач и опрема Life која ќе остане во Шпанија. Останатите модели, кои ќе продолжат да се произведуваат во Навара, се SUV верзиите на Polo, помалиот и постар T-Cross и поголемата и поновата Taiga, единствените модели што брендот ги произведува во оваа земја.
Но, сето тоа ќе се смени за неколку години, бидејќи од 2026 година се очекува фабриката да произведе два нови електрични автомобили со пристапни цени кои групацијата Фолксваген планира да ги лансира. Тоа ќе бидат Volkswagen ID.2 X и Škoda Epiq, два мали SUV модели од сегментот B, базирани на платформата MEB Entry, а должината ќе биде околу 4,10 метри.
Ова не значи целосен крај за Polo, бидејќи популарниот Германец сепак ќе се продава во Европа во следните неколку години. Но, тие веќе нема да доаѓаат од Шпанија, туку од Кариега (Јужна Африка), каде што е преместено производството на моделот.
Неговата „природна“ замена ќе биде идниот ID.2, кој ќе се произведува во шпанската фабрика во Марторел, но кој ќе биде претставен дури на следниот автосалон во Минхен во есента 2025 година. Неговата SUV верзија ќе се произведува во Navara, која ќе претрпи внатрешна трансформација за да се прилагоди на овие нови мали електрични автомобили.
Следете не и на:
