Audi го почнува производство на новиот А3 sportback во фабриката во Инголштат, дом на моделот уште од првата генерација во 1996 година.
Audi А3 останува ексклузивнo да се произведува во фабриката во Инголштат, која е надградена со комплетно нова дел за каросерии.
Врз основа на ажурирана MQB платформа, компактниот хечбек на Audi е скоро ист во големина со неговиот претходник, освен ширината што е зголемена за 30 мм. Впечаток остава тоа дека со промената на генерациите А3 лесно се зголемува по димензии. Растојанието меѓу оските остана непроменето и е 2,64 метри, но кон должината се додадени 3 сантиметри, и сега е вече 4,34 метри. Обемот на багажникот е од 380 до 1.200 литри.
Oд компанијата потцртуваат и уште неколку новости како подобрување на звучната изолација на каросеријата, вклучително со оптимизирање на аеродинамиката што ја зголемува акустичната комоција. Верзиите со пониска моќност се опремени со MсPhеrsоn напред и лента за торзиона греда одзади, но подинамичните имаат задна суспензија.
Како надополнување, за А3 ќе бидат понудени и две варијанти на суспензија со адаптивни амортизери, а се ветуваат дека разликите меѓу удобните и спортски режими на работа ќе бидат значително позабележителни. Првата верзија на шасијата ќе го намали клиренсот со 10 милиметри, а втората со 15 милиметри (со него новото А3 ќе биде снабдено со пакетот S linе). Основниот модел е опремен со 16-инчни бандажи, но по желба на клиентот тие можат да бидат зголемени и до 19 инчи.
Внатрешноста на автомобилот е доста дигитализирана. Физичките копчиња на климата се зачувани, но екранот на борд мултимедискиот систем е зголемен до 10,25 инчи, а виртуелниот кокпит е со два 12,3 инчни екрани и проекциски. Интересно уште е и тоа дека мултимедиската контрола е сензорна. Покрај тоа Аudi А3 се здобива со систем за препознавање. Новата мултимедија како што се тврди е десетпати помоќна од претходната.
Таа има многу нови онлајн услуги и можност за комуникација со патната инфраструктура. Гласовните команди можат да се формулираат послободно и во блиска иднина А3 ќе добие безжично вградување на Аpplе СаrPlаy и Аndrоid Аutо. Спискот на асистентите за возачот исто така е широк. Достапен е автопилот од ниво 2, кој е способен да го контролира автомобилот по автопат со брзина до 210 км/ч.
Што се однесува до понудата на моторите, првичните за А3 ќе бидат бензинци и турбо со 150 коњски сили и дизел мотори со 116 коњски сили (подоцна ќе се појави трицилиндричен мотор со моќност од 110 коњски сили, кој ќе ја игра улогата на основен). Дволитарскиот мотор со дизел гориво исто така ќе се нуди во верзијата со 150 коњски сили, додека бензинецот ќе има таканаречено умерено хибридна верзија со 48 волти стартен генератор. Тој може да додаде до 12 коњски сили и 50 Нм, но основната задача му е да обезбеди на пример шанса за движење до 40 секунди при исклучен мотор.
Се планира А3 да се нуди како со механички менувач така и со роботизиран, но за умерените хибриди ќе се користи само DSG. Во иднина на пзарот ќе излагаат верзии со погон на сите тркала, два хибриди со моќност од 218 и 245 коњски сили, како и Audi S3 со дволитарски четирицилиндричен турбомотор со моќност од 310 коњски сили.
Следете не и на:
