Откако ги постави “темелите” во Кина, ги објави плановите за Индија при што спроведе и одредени инвестиции во САД, најголемиот германски производител на автомобили Volkswagen атакува кон Јужна Америка.
Како што потврдија од самата компанија, во наредниот период во Аргентина ќе бидат инвестирани околу 800 милиои американски долари.
При тоа, 650 милиони долари ќе бидат вложени во фабриката на Volkswagen во близина на Буенос Аирес додека преостанатите 150 милиони долари ќе бидт вложени во фабриката во Кордоба каде се произведуваат компоненти за автомобилската индустрија.
Планот е во наредните неколку години Volkswagen локално да развие возила наменети за земјите од Јужна и Централна Америка кои ќе бидат произведувани токму во Аргентина.
Иако како пазар не е толку голем, барем споредбено со Кина, САД и Европа, Јужна Америка бележи тренд на пораст на продажбата на нови автомобили, особено оние нискобуџетните до 20 илјади долари.
Следете не и на:
