Компанијата JLR (Jaguar Land Rover) воведе нова услуга на британскиот пазар – изнајмување на автомобили од брендот Land Rover.
Оваа услуга вклучува изнајмување на Land Rover возило преку мобилна апликација, а се што треба корисниците да направат е да го одберат моделот, периодот на изнајмување и адресата на живеење каде ќе биде доставен овој автомобил за помалку од 24 часа.
За таа цел Land Rover подготви флота од 50 возила од моделот Discovery Sport. Оваа услуга најпрво се воведува во Лондон, а причината за тоа е што жителите во централното градско подрачје не сакаат да имаат возило поради трошоците за паркирање и патување па така Land Rover сега им нуди можност да изнајмат луксузен автомобил за викенд патувањата.
Land Rover не е првиот производител што нуди ваква услуга. Претходно слична услуга во САД и Кина воведоа Mercedes, Volvo, Porsche и BMW.
