Кинескиот производител Changan Automobile соопшти дека од ноември стартува продажбата за моделот Oshan X5.
Овој модел ја користи платформата на моделот Oshan X7, но доколку внимателно се набљудува екстериерот и ентериерот ќе може да се пронајдат одредени сличности со некои германски и италијански SUV модели. Оттука може слободно да се каже дека овој симпатичен SUV има европски гени, а одличниот дизајн му го отовра глобалниот пазар.
Во понудата ќе биде достапен само со еден мотор – 1,5 литарски турбо бензински мотор кој располага со 180 КС и 300 Nm обртни моменти. Во комбинација доаѓа со 7 степен менувач.
Во стандардната опрема доаѓа со LED предни и задни светла, заден кровен спојлер, заден дифузор, хромирани завршетоци на издувниот систем, дигитална инструментална табла, напреден инфотејнмент систем како и двобоен кожен ентериер.
Овој модел најпрво ќе се продава на кинескиот пазар, а не се исклучува можност да биде извезуван во околните земји. Цената засега не е позната.
