Во 2020 година се одбележуваат 50 години од појавата на два од најпознатите модели во целата историја на Opel, моделите Ascona и Manta. Двата модели се едни од малкуте претставници на брендот, продавани успешно и на територијата на САД.
За да ги одбележи своите две легендарни возила во оваа година Opel ќе организира неколку специјални настани. Првиот ќе биде за време на Bodensee Klassik (7-9 мај).
Следниот настан ќе се одржи на 28 јуни во Риселсхајм, а таму се очекува да бидат вклучени околу 100 претставници на Ascona и Manta A, а од 25 до 27 септември ќе биде одржан и специјален собир на сопственици на Manta, а оранизаторите на собирот го избрале Тимердорфер Странд, каде пред 50 години била и медиумската премиера на оригиналната верзија на моделот.
Manta е претставена во медиумите во септември во 1970 година и на елегантното купе можат да бидат забележани амблеми, кои ја отсликуваат уникатната риба, manta ray, чија слика е креирана врз основа на фотографиите од познатиот француски морски биолог, Жак-Ив Кусто.
„Моделирано“ според таканаречените пони автомобили (достапни, компактни, за американските изложби, автомобили со исклучително стилски дизајн и обично голема моќност), кои се популарни во САД за тоа време, спортската Manta е позиционирана како автомобил, кој е со различен фокус од конвенционалното купе и традиционалниот седан. Како пони автомобилите, Manta е стилска, но истовремено со тоа и погодна и удобна за секојдневна употреба.
Ascona дебитираше на автомобилскиот саем во Торино во 1979 година, во информациите во весниците е објавена за „автомобил на техничката иднина“ (car of the technical future). Таа е позиционирана меѓу Kadett и Rekord и е насочена кон еден сè поголе автомобилски сегмент. До март 1975 година се произведени 691.438 примероци од моделот Ascona A.
Технолошки, суспензијата и движењето на Ascona и Manta се идентични. Предната оска е со независна суспензија на тркалата со спирални калеми и телескопски амортизери, додека одзади се користи цврста оска фиксирана со два надолжни краци и шипка.
Ascona се нуди во две верзии седан со две или четири врати во стандардни и луксузни модификации. Опремена е со 1.6-литарски, четирицилиндричен мотор со моќност од 68 коњски сили или во варијанта со повисок степен на компресија со 80 коњски сили во S-верзијата.
