И додека се уште трае дискусијата за тоа колку навистина загадуваат електричните возила и дали тие се повеќе еколошки во однос на оние со традиционален мотор, влијателната организација за заштита на околината GreenPeace испрати барање до Европската Унија.
Според истото барање, а повикувајќи се на одредбите од климатскиот договор потпишан во Париз, се бара забрана за продажба на возила опремени со дизелски и бензински мотор по 2028 година.
Дополнително, со барањето се бара и забрана за движење на возила опремени со традиционален мотор по 2040 година.
GreenPeace бара земјите значително да инвестираат во развој на велосипедски патеки и еколошкиот јавен превоз, особено железниците.
Останува да видиме како ЕУ ќе одговори на ова барање и дали навистина е веќе поечтокот на крајот на моторите со внатрешно согорување. Сега изгледа доста тешко остварливо тоа, но веројатно е дека алтернативните погони треба да бидат повеќе користени во иднина.
