По бројните информации и претпоставки дали ќе има или не трка во Мелбурн, и по појавата на случај на корнавирус на член на тимот на McLaren, заедничко соопштение издадоа ФИА, Формула 1 и организаторот на ГН Австралија.
„По потврдата дека член на тимот на McLaren Racing е тестиран позитивно за КОВИД-19 и одлуката на тимот да се повлече од ГН Австралија, ФИА и Формула 1 свикаа состанок на другите девет директори на тимот во четвртокот навечер. Од овие дискусии се донесоа заклучоци со мнозинството на тимовите дека трката не треба да се одржи.
ФИА и Формула 1, со целосна поддршка од австралиската корпорација за гран-при (AGPC), затоа донесе одлука дека целата активност на Формула 1 за Гран-при на Австралија е откажана.
Ние цениме дека ова е многу разочарувачка вест за илјадниците навивачи што требаше да присуствуваат на трката и сите сопственици на билети ќе добијат целосна компензација, а понатаму ќе биде соопштено за понатамошните чекори.
Сите учесници на состанокот ги зедоа предвид огромните напори на АГПЦ, Моторспорт Австралија, персоналот и волонтерите да ја организираат првата трка на СП во ФИА Формула 1 за 2020 година во Мелбурн, но сепак заклучија дека безбедноста на сите членови на семејството Формула 1 и пошироко заедницата, како и правичноста на конкуренцијата имаат приоритет.
Во јавноста се појавија и информации дека неколку часа пред да биде овој состанок двајца возачи, Кими Раиконен и Себастијан Фетел веќе донеле одлука за заминување и веќе имале добиено авионски билети да се вратат дома.
Следната трка, во Бахреин ќе се вози без присуство на гледачи.
Следете не и на:
