Новиот GLА во Мак Аутостар – почетен модел меѓу Mercedes SUV возилата, со сета врвна технологија

Новиот GLA е почетниот модел меѓу осумте достапни SUV возила на Mercedes-Benz. Новиот GLA во споредба со својот претходник, нуди многу новини, како во однос на технологијата, така и во однос на димензиите. Висина на возилото сега изнесува 1611 мм, што значи дека е за повеќе од 10-тина см повисок од стариот модел. Со ова се добива поголем простор во кабината на возилото.

Предниот и задниот испуст на возилото се пократки, што е во линија со off-road дизајн. Моделите со погон на 4 тркала, поседуваат off-road инженерски пакет, како стандардна опција. Ова исто така опфаќа дополнителен програм за возење, помошен систем за движење по надолнини, off-road анимација на медија екранот и во комбинација со MULTIBEAM LED предни светла на располагање е специјална функција за осветлување при off-road возење.

Новиот GLA располага и со унапреден систем Driving Assistance, кој на пример вклучува: функција за предупредување при маневар на свртување и алармирање при забележување пешаци на пешачки премин. На таков начин, новиот GLA е подготвен самостојно да реагира кога возачот не е во можност да го стори тоа.

Новиот GLA има исклучително одличен коефициент на аеродинамичност, Cd 0,28. Исто така ќе биде достапна и трета генерација на хибриден погон, како и електричен модел EQA.

„Големата побарувачка за нашите SUV возила покажува дека можеме да понудиме вистински модел во овој сегмент. За да излеземе во пресрет на желбите на купувачите, достапни се моделите GLB и GLA, две off-road возила кои совршено се надополнуваат меѓусебно.

GLB се истакнува со својата функционалност и просторност, додека новиот GLA е позициониран како спортски и лајфстајл SUV“, изјави шефот на одделот за дизајн во Дајмлер, Горден Вагенер.

Спортските испакнатини на предниот капак на моторот, заедно со 20 инчните тркала, оддаваат слика на силна уверливост. Страничните контури на возилото ја истакнуваат неговата динамичност и елеганција, кои всушност се една интересна игра на светлината и сенките.

Внатрешноста е модерна, изработена од материјали со висок квалитет. Централно внимание заземаат екраните, кои се достапни во 3 варијанти, односно 2 екрана од 7 инча, или еден кран од 7, а другиот од 10,25 инчи и третата комбинација е кога секој од 2 екрана е со големина од 10,25 инчи.

Новиот GLA нуди повеќе простор во кабината во однос на својот претходник, особено во делот кај нозете на патниците, како и во делот на багажникот.

Позицијата на седење и кај возачот и кај совозачот е повеќе исправена и повисока за 97 мм во однос на претходниот модел што е типично за SUV возилата. Споредено со А-Class разликата е 140 мм, додека со B-Class е 52 мм. Исто така, значително е подобрена видливоста.

Како опција, задната клупа може да се придвижува за 14 см, со што може да се подобри удобноста на седење на задната клупа или зголемување на багажниот простор.

Помошни системи за возење
Последната верзија на Driving Assistance пакетот ги опфаќа функциите за помошно осветлување при движење во свиоци, за одржување на коловозна лента, за безбедно отворање врата, предупредување при детектирање пешаци на пешачки премин.

Како дополнителни опции на овој пакет на располагање се и функциите DISTRONIC со можност за сопирање кај статички возила, автоматски паркирање, автоматско движење наназад, активна помош на управувачот, активно одржување на брзината на движење, систем за избегнување на пешаци и др.

Патување со релаксирање
Новата GLA располага и со опцијата ENERGIZING, која користи звучни и светлосни ефекти, како и разни опции за масажа, со што возачот добива врвна удобност при патувањето.

Доколку е вклучен Mercedes-Benz vivoactive® 3 паметен часовник или друг компатабилен Garmin® уред, може да се добијат лични податоци за возачот, како што е нивото на квалитет на спиењето или стрес, чија состојба може да биде подобрена преку опцијата ENERGIZING.

4MATIC
Новиот GLA може да биде опремен и со постојан погон на сите тркала, со целосна варијабилна дистрибуција на  вртежниот момент. 4MATIC е интегриран и со автоматска трансмисија со двојна спојка.

На располагање е и функцијата DYNAMIC SELECT, кој нуди неколку програми, режими на возење, од “Eco/Comfort” кој се заснова на сооднос на предна и задна оска на погон 80:20, потоа “Sport” со сооднос 70:30. При „off-road“ режим на возење, дистрибуцијата е во сооднос 50:50.

Мотори 

Бензински мотори

Дизел мотори

Соопштение на Мак Аутостар

Следете не и на: