Шестата генерација на Opel Corsa е на брза лента. Само неколку дена по презентацијата на електрична верзија со батерија, Opel сега ја објавува Corsa со класични мотори со внатрешно согорување – поефикасна, понапредна и подинамична од било кога. Продажбата на 4.06 метри долгиот мал автомобил со пет врати на германскиот производител на автомобили започнува со особено економични бензински и дизел мотори со излезна моќност од 55kW (75 КС) до 96kW (130 КС).
Новата Corsa може да се нарача од 1 јули во Германија. Основната варијанта е со цена од 13.990 евра (со вклучен ДДВ во Германија). Ова верзија веќе вклучува бројни системи за помош, како што се предупредување за преден судир со автоматско сопирање во итен случај и пешачка детекција како стандард. Во прилог на целосно електричната Corsa-e, дизелската и бензинска верзија се достапни во три нови нивоа за опрема: како Edition за 15.850 евра во Германија (со вклучен ДДВ), Elegance (17.850 евра со вклучен ДДВ) и особено спортската GS Line (19.880 евра со вклучен ДДВ).
Целосното ново портфолио на моторот на шестата генерација на Corsa има за цел да им понуди на клиентите идеална рамнотежа помеѓу ефикасноста и привлечното возење. Споредено со сегашните енергетски единици, новите мотори значително ја намалуваат потрошувачката на гориво и емисиите, истовремено задржуваат слични излезни моќности.
Меѓу трите бензински мотори се: 1.2 литарскиот со 75 КС, потоа 1.2 литарскиот турбор со три цилиндри со 100 или 130 КС. Од дизелската варијанта тука е 1.5 литарскиот со 102 КС.
