Руската Федерација направи сериозен чекор кон автo самостојност: Советот на Федерацијата го одобри Законот за локализација на такси возилата, со кој сите такси во земјата мора да бидат од домашно производство. Сега останува само законот да биде официјално потпишан од претседателот Владимир Путин.
Предлогот предизвика поделени реакции во јавноста уште од првото читање пред речиси една година. Првично, регионите имаа слобода сами да одредуваат колку „локално“ треба да биде едно такси. Но, конечната верзија на законот предвидува единствен систем на оценување за целата држава.
За едно возило да биде регистрирано како такси, мора да исполни еден од следниве услови:
*Да има доволен број бодови на локализација, според државните стандарди за јавни набавки
* Да е произведено во рамки на посебен инвестициски договор, потпишан помеѓу 1 март 2022 и 1 март 2025
Од новиот закон се изземени некои региони:
Сибирскиот федерален округ
Далекуисточниот федерален округ
Калининградската област
Целта на оваа регулатива е јасна – стимулирање на домашната автомобилска индустрија, особено во услови на санкции и ограничен увоз.
⏳ Преоден период до 2033 година – но револтот веќе започна
Иако законскиот рок за целосна примена е до 2033 година, такси асоцијациите веќе изразуваат незадоволство.
„Десет до дванаесет часа зад волан во Москвич или Лада е премногу тешко за возачите,“
вели Дмитриј Коваленко, директор на неколку такси-компании во Русија.
Многумина стравуваат дека новите правила ќе го отежнат работењето, ќе ги зголемат трошоците и ќе ја намалат удобноста на патниците.
⚠️ Што значи ова за патниците?
Од 1 март 2025 година, Русите ќе мора да се навикнат на домашни возила како единствена опција за такси услуга – најчесто Москвичи и Лади. Иако официјално мерката има економска и стратешка логика, реалните предизвици во одржување, удобност и перформанси може да предизвикаат незадоволство на терен.
