Одржувањето на возилата и нивната поправка затоа станува се поскапа. А осигурителните компании сакаат да ги натераат возачите да бидат уште повнимателни.
State Farm, најголемата компанија за осигуривање во САД ги зголеми премиите за осигурување во Илинојс за 5,9 отсто, а тоа директно засега 1 од вкупно 3 возачи во земјата. Ова е второ зголемување на цените, откако на почетокот на годината имаше и ново зголемување од 2,7 отсто.
„Возилата стануваат по скапи за одржување и поправање, поради технологијата. Видовме голем пораст на трошоците на она што мораме да го исплаќаме, се вели во образложението од компанијата.
Според нив проблемот е што сега кога на пример треба да се смени предниот браник на возилото, истовремено се менува и камерата, или сензорите за паркирање што ги има во браникот. Новите и технолошки понапредни возила чинат и повеќе и поскапи се за поправање, особено они ешто имаа понапредна технологија за безбедност.
Досега сите сакаа технички понапредно возило, но тоа задоволство ќе ги чини повеќе. Старите автомобили ем се полесни за одржување, ем поевтини за осигурување.
