Рускиот портал Kolesa.ru кој во последните неколку месеци активно споделува рендери за најавуваните модели објави ист таков за новата генерација на Mercedes GLA која доаѓа оваа година.
Претходно на интернет се појавија првите официјални фотографии од овој модел, но поради камуфлажата не може воопшто да се воочат екстериерните новитети. Сега рускиот сајт објави фотографија од овој автомобил, а според формата, истата е идентична како и фотографиите објавени од тестирањето на моделот.
Инаку новата, втора генерација на GLA се темели на MFM архитектурата, истата онаа која се користи и кај новите генерации на А класата, Б класата како и CLA.
И оваа, нова генерација се очекува да продолжи да се произведува во фабриките во Германија, Индија, Тајланд и Бразил, а производството се очекува да започне кон крајот на оваа година откако претходно, во септември, ќе биде направена и светската саемска премиера на саемот во Франкфурт.
