Geely и Volvo ја здружија експертизата и резултатот е импресивен – новиот Lynk & Co 900, најмодерниот и најмоќниот SUV досега од брендот. Моделот дебитираше на кинескиот пазар со три реда седишта, моќна хибридна погонска технологија и дизајн инспириран од Range Rover, а сето тоа по почетна цена од околу 35.000 евра.
Изграден на напредната платформа SPA Evo, новиот Lynk & Co 900 нуди врвни иновации како управливо шасија со ротирачки задни тркала, аеродинамични елементи и т.н. “краб-режим” што овозможува движење по дијагонала – функција ретко достапна дури и кај најскапите SUV модели.
Внатрешноста е на ниво на врвен луксуз: 6K слајд-екран, Harman/Kardon озвучување со звучници вградени во потпирачите за глава, вграден фрижидер и целосно електрично подесување на седиштата на сите три реда.
Основната верзија доаѓа со 1.5-литарски бензински мотор и два електромотора со комбинирана моќност од 711 коњски сили. Батеријата од 44.85 kWh овозможува до 220 км електрична автономија и вкупен досег од 1355 км.
Постојат и помоќни изведби, како онаа со 2.0-литарски турбо мотор и батерија од 52.38 kWh која нуди 724 коњски сили и до 280 км електричен опсег. Врвната модификација вклучува три електромотори и создава вкупно 872 коњски сили, со забрзување од 0 до 100 км/ч за само 3.4 секунди, автономија до 268 км без бензин и вкупен досег од 1443 км.
Цените се движат од околу 30.000 до 50.500 евра, зависно од конфигурацијата, што го прави Lynk & Co 900 една од најдобрите понуди во сегментот на премиум хибридни SUV модели. Овој модел е сериозен предизвик за водечките светски брендови и може целосно да го прераспредели балансот на моќ на пазарот.
