Лајкамобајл ги намали цените на месечните надоместоци до 60 насто. Новата конкурентна понуда на Лајкамобил покажува дека виртуалниот мобилен оператор тргнува во акција за пораст на бројот на корисници.
Намалувањето на месечните надоместоци се однесува на националните месечни пакети, и тоа најниската месечен надоместок од 749 денари е намалена на 384 денари, а во пакетот се вклучени неограничени разговори и неограничени СМС пораки во рамките на сите националните мрежи, како и 8 гигабајти интернет. Како, што информира операторот, овие цени се достапни за корисниците – без обврски.
Пакетите на Лајкамобајл за мобилен интернет се движат од само 59 денари месечно за 1 ГБ до 249 денари месечно за дури 7 ГБ.
Со секое надополнување на сметката корисниците ќе добијат уште 1 ГБ бесплатен интернет кој можат да го користат цел месец, додека корисниците што ќе го префрлат нивниот мобилен број во мрежата на Лајкамобајл ќе добијат 336 денари бесплатен кредит.
„Со ова во моментот Лајкамобајл нуди најконкурентни цени на пазарот за мобилни комуникации, а првичните реакции од страна на корисниците се многу позитивни и не го кријат задоволството од истото. Лајкамобајл е најголемиот мобилен виртуелен оператор во светот кој опслужува 15 милиони корисници во 21 земја, со забрзан тренд на ширење кон нови пазари“, се вели во соопштението на Лајкамобајл.
