Долниот дом на германскиот Парламент, Бундестагот го усвои контроверзниот закон за воведување патарини за странските патнички возила на германските автопатишта. Се уште нема најави колкави ќе бидат цените на патарините и на кои се патишта ќе се плаќаат.
Законот, ќе стапи во сила откако за него ќе се произнесе и Бундесратот. Земји членки на ЕУ и од Европската комисија го оценија законот како дискриминирачки и за него беше поведена тужба пред Европскиот суд на правдата,
За разлика од германските државјани, кои ќе бидат ослободени од плаќање патарини сите останати странски патници ќе треба да плаќаат сума од најмногу 130 евра на годишно ниво ако сакаат да ги користат германските автопати. Цената на патарините ќе зависи од нивото на загадување на секое возило.
За да се задоволат барањата на соседите и ЕУ, Германија се согласи за странските возачи и сопственици на патнички возила да бидат воведени краткорочни патарини со траење од неколку дена.
