Од 2020 година автопроизводителите треба да ги намалат емисите на СО2 на своите модели во Европа до просек од 95 грана на километар. Во минатата година просекот на Стариот континент беше 121,8 грама (NЕDС). Тоа го покажуваат и податоците од JАTО Dynаmiсs, а при анализата се разгледувани 23 земји.
И покрај тоа што емисиите на СО2 се намалуваат рапидно меѓу 2007 и 2016 година, во последните неколку години одново има пораст при емисијата на СО2.
JАTО го oпрaвдува зголемувањето со пониските дизел квоти поради Дизелгејт, како и сè популарните СУВ модели, кои емитуваат повеќе СО2. Овие две тенденции во европската автоиндустрија сè уште не можат да бидат неутрализирани од зголеменото побарување на електрифицирани автомобили кои претставуваат само шест проценти од вкупната бројка на нови регистрации.
Во 2019 година со 129,9 грама СО2 на километар, Германија имаше најлоши вредности од просекот за Европа. Само Швајцарија со традиционалните за неа големи, моќни и често 4х4 модели и Полска се претставуваат полошо во класификацијата на ЈАТО. Шпанија и Италија се наоѓат малку под средното ниво за Европа, а од големите држави на Стариот континет, Франција исгледа со најреална шанса за да се справи со регулативите за СО2 на Европската унија.
Во статистикaта за одделни автоконцерни, Tоyоtа зазема лидерско место, вклучувајќи го и целосно електричниот производител Tеslа. Во 2019 година новите автомобили на јапонската компаниај одделиле средно 97,5 грана СО2 на километар, штосе должи на исклучително високиот дел на хибридни превозни средства од 60 проценти.
Во групата на PSА, пак, Pеugеоt и Сitrоеn се имаат претставено значително подобро од Оpеl и Vаuxhаll. Rеnаult и Nissаn се еден до друг на 4. и 5. позиција додека Dасiа заостанува. Секако тука треба да се спомене и најголемиот автопроизводител во Европа, Vоlkswаgеn, чии возила одделиле во просек 121,2 грама СО2 на километар во 2019 година.
Следете не и на:
