Брендот McLaren има нова додавка Speedtail, која се однесува за новото возило во понудата на британскиот бренд, а автомобилот има амбиции да прерасне во најскапиот и најбрзиот автомобил, со што би станал идеолошки наследник на култниот модел F1.
За време на тестирање примерок од Speedtail се запали, а огнот за среќа беше брзо изгаснат.
Се работи за возило кое е прототип и не било опремено со стандардниот хибриден погон со моќност од 1050 коњски сили, туку со помал електромотор, кој служи само за возење при ниски брзини. Најверојатно овој електричен мотор имал дефект и тоа било причината за пожарот.
Автомобилот го има зачувано култниот тросед на F1, напојуван е од хибриден погон со моќност од 1050 коњски сили и развива брзина од 402 км/ч.
https://youtu.be/F8epfmKk5Rg
Од моделот Speedtail ќе бидат направени 106 примероци, а секој ќе биде продаден за сума од 2,1 милиони долари. Сите 106 примероци се веќе резервирани.
