BMW Group ќе го претстави и револуционерниот iX3, како и нов електричен концепт на BMW Motorrad
На саемот за автомобили во Минхен што започнува следниот месец, BMW Group ќе понуди вистинско шоу со неколку премиери, меѓу кои се издвојуваат двa нови MINI JCW концепти, електричниот BMW iX3 и футуристичкиот Vision CE скутер од BMW Motorrad.
MINI со две JCW студии – спортски и радикални
MINI засега не открива многу детали, но потврди дека во Минхен ќе бидат претставени две спектакуларни JCW концепт-возила, кои ќе имаат „визуелна потврда дека моторспортот е во ДНК-та на MINI“. Се очекуваат дизајн со нагласена аеродинамика, спортски детали и електричен погон.
Главната ѕвезда: BMW iX3 – второто поглавје на Neue Klasse
Најголемата премиера сепак ќе биде новата генерација на BMW iX3, која најавува влез во втората ера на Neue Klasse. Електричниот SUV ќе добие:
Цилиндрични батериски ќелии со 20% поголема енергетска густина
EPA домет до 400 милји (645 km) / WLTP до 800 km
Брзо DC полнење до 400 kW – над 350 km за само 10 минути
Bidirectional charging (повратна енергија)
Panoramic iDrive и AI-системи за помош на возачот
BMW Motorrad – визија за електрична урбана мобилност
BMW Motorrad ќе го претстави и Vision CE концептот, кој нуди поглед во иднината на електричните скутери за урбани услови. Ќе бидат изложени и актуелните CE 02 и CE 04 модели.
На штандот на BMW Classic ќе биде изложен BMW 1500 од 1961 година, првиот модел од оригиналната Neue Klasse, како симбол за преминот во нова технолошка фаза. Покрај тоа, ќе бидат изложени и други електрифицирани модели: i4, i5, i7, iX, како и M5 Touring Plug-in Hybrid.
