Една од најголемите предизвици кај електричните автомобили и понатаму е нивниот домет – односно времето што возачите мора да го поминат на полнач. Иако технологијата напредува, корисниците стануваат сè побарани, па дури и дополнителни 10 минути полнење за многумина се луксуз кој не можат да си го дозволат.
Како одговор на тоа, Mercedes разви иновативен проект – соларна боја, специјален премаз кој има потенцијал значително да го зголеми дометот на електричните возила.
Според најновите податоци, ваквиот премаз може да генерира повеќе од 14.000 км дополнителен домет годишно, како што е прикажано во симулации за услови во Пекинг. Тоа е повеќе од просечната годишна километража на еден возач.
Секако, резултатот важи за идеални услови и под претпоставка дека возилото се користи до 39 км дневно – во таков случај, соларната боја би генерирала доволно енергија за секојдневно возење.
Технологијата се базира на соларни ќелии со ефикасност од 20%, а инженерите на Mercedes велат дека успеале да постигнат стабилен напон од 800 волти, независно од нивото на наполнетост и состојбата на поединечните ќелии. Ова отвора нови можности за поголем домет, поефикасно двонасочно полнење и модуларни решенија при конструирање на идните EV модели.
Во рамки на истиот развоен правец, Mercedes работи и на иновативен систем за сопирање, кој нема да биде директно поврзан со тркалото, туку интегриран во затворен моторно-преносен модул.
Според брендот, новиот систем:
* е речиси без хабење
* не бара редовно одржување
* не рѓосува
* не емитува штетни честички
* не ја губи ефикасноста ниту при екстремни услови
* е потивок во работа и позитивно влијае врз дометот и енергетската ефикасност на возилото
Mercedes соработува и со Универзитетот Ватерло во Канада на развој на неуроморфно компјутерство, технологија која го имитира човечкиот начин на размислување. Ова може да ја направи AI-обработката значително побрза и поефикасна.
Благодарение на ова, идните безбедносни системи во возилата ќе можат:
* прецизно да препознаваат сообраќајни знаци и траки
* да реагираат побрзо во реално време, дури и при слаба видливост
*да бидат и до 10 пати поефикасни од актуелните решенија
