AMG развива нов електрифициран V-8 мотор…
Меrcedes ја одржа својата годишна конференција за постигнатите резултати оваа недела, на која истакна како има намера да стане „послаб (во тежина), побрз и посилен “. Темата на неговиот нов патоказ е „совладување на трансформацијата “, и тоа не е само маркетинг пената. Ѕвездата со три крака има напорна агенда, која вклучува планирање на електрични модели C-Class, GLC и E-Class и „голема надградба “ -за S-Class. Предводникот ќе го задржи еден од неговите најважни предности – моторот V-12.
Германската луксузна марка ја изразува својата долгорочна посветеност на преподобната централа со дванаесет цилиндри, но 6.0-литарскиот мотор со двојни турбо ќе продолжи само на „одбрани пазари “. Веројатно, во региони во светот каде регулативите за емисии се порелаксирани. Mercedes го инсталира својот најголем мотор со согорување во Maybach S-Class S680 и оклопната S-Class Guard. Одделно, AMG испорачува V-12 на Pagani за неговиот хипер автомобил Utopia.
Мercedes е единствената марка од германското луксузно трио што ја задржа моќната машина со дванаесет (12) цилиндри во своето портфолио. BMW го уби M760i во 2022 година со претходната генерација на Series 7 во ограничената серија на Final Edition верзијата. Што се однесува до Audi, W-12 „почина “- откако претходната генерација A8 беше пензионирана во 2017 година. Сегашниот модел требаше да го добие 6,0-литарскиот агрегат, но во брендот со четирите прстени во логото се премислија, иако беа изградени прототипи базирани на генерацијата „D5“.
Да се вратиме назад во Mercedes, од каде со задоволство известуваат дека V-8 исто така останува. AMG развива „следна генерација, високо технолошки електрифициран V-8 “, за идните модели што се возат на нејзината внатрешна платформа AMG.EA.
Најавата ни кажува дека новата архитектура, исто така, ќе поддржува мотори со согорување наместо само за EV. Новиот/ажуриран мотор е развиен за да ги исполнува идните регулативи на Euro 7, па за среќа, нема да биде забрането во 27-те земји на Европската унија.
Нема информации за судбината на линиската шестка, но бидејќи поголемите мотори остануваат, логиката ни кажува дека Mercedes нема да се откаже ниту од 3.0-литарската единица.
Поминувајќи низ опсегот, подгответе се за „48-волти електрифициран високотехнолошки мотор со четири цилиндри “.
Дебитира следниот месец во новиот CLA, во кој малата единица од 1,5 литри ќе биде поврзана со осумстепен автоматски менувач со двојна спојка. Mercedes го разви помалиот мотор, но верзијата со четири цилиндри ќе биде „индустријализирана со партнер во Кина “.
Mercedes проектира дека plug-in хибридите и електричните возила ќе учествуваат само со 30% од вкупната продажба до 2027 година. Другите 70% ќе бидат автомобили со мотори на внатрешно согорување, многу со 48V технологија. Оваа проверка на реалноста покажува дека компанијата била премногу амбициозна со своите претходни електрични цели.
Веќе во 2030 година, компанијата имаше намера да оди чисто електрична „каде што дозволуваат пазарните услови “.
Тоа повеќе не се случува, бидејќи светот едноставно не е подготвен да оди на all-in на електрични автомобили.
Следете не и на:
