Иконата на Mercedes веќе 46 години се произведува во Грац – последниот примерок е електричниот G580 со EQ технологија
Mercedes-Benz одбележа уште еден голем успех – 600.000-тиот примерок од G-Class неодамна излезе од производната линија во Грац, Австрија, каде овој легендарен SUV се произведува уште од далечната 1979 година. Јубилејниот модел е новиот G580 со EQ технологија, целосно електричен и обложен во Obsidian Black металик боја.
Иако автомобилот има симболично значење, Mercedes нема да го задржи за музеј или протокол – ќе биде испорачан на клиент, како и секој друг G-Class.
Само пред две години беше прославено производство на 500.000-тиот G-Class, тогаш со специјален ретро модел инспириран од 1980-тите, кој подоцна доби и сопствена специјална едиција. Тоа што Mercedes веќе стигна до нови 100.000 единици во само 24 месеци говори за експлозивниот раст на побарувачката за овој SUV.
За споредба, претходно беа потребни три години за да се стигне од 400.000 до 500.000 примероци, а исто толку и од 300.000 до 400.000.
Иако моделите S-Class и E-Class имаат подолга производствена историја, G-Class денес важи за најпосакуваниот модел на брендот – со високи цени, листи на чекање и голема побарувачка за персонализација.
Mercedes открива дека над 90% од клиентите избираат барем еден Manufaktur додаток, а просечно секој G-Class има по три дополнителни опции за индивидуализација. Само изборот на боја е вистински спектакл – над 20.000 различни нијанси се достапни од минатата година.
Успехот на G-Class не е само во луксузот и имиџот, туку и во неговата верност кон оригиналната формула. И по речиси пет децении, силуетата останува препознатливо боксеста, двостепен трансфер менувач и три блокади на диференцијалот – вистински теренец, дури и во својата електрична изведба.
