Mazda позитивно ги изненади сите љубители и сопственици во легандарниот модел RX-7 објавувајќи дека повторно ќе започне со производство на деловите за овој модел.
Ова е вториот модел за кој Mazda започнува со производство на делови откако истото во 2017 година го направи со моделот Miata.
Иницијално, оваа програма ќе опфати производство на 91 дел од кои 30 се за втората, а преостанатите се за третата генерација на овој модел. Почетокот на производството стартува следната година, а јапонскиот производител ја објави и листата на делови по ОЕМ број која може да ја погледнете тука.
За потсетување, втората генерација на RX7 започна да се произведува во 1985 година и се произведуваше се до 1992 година. Во овој период вкупно се произведоа 272.027 примероци на овој легендарен модел. Третата генерација започна да се произведува во 1992 година и во наредните десет години се произведе во вкупно 68.589 приемроци.
