Македонската компанија за дистрибиција и продажба на нафтени деривати Макпетрол АД продолжува да се шири, и ја отвори 126. бензинска станица во Македонија. Новата станица на која покрај бензински и дизелски горива ќе има и плин, се наоѓа на автопатот Скопје – Tетовo во близина на општината Желино.
Од компанијата најавуваат дека и во иднина ќе продолжат инвестициите со што ќе се задржи приматот на најголема компанија за дистробуција и промет со нафтени деривати. Со зголемувањето на продажната мрежа се овозможува и поголема достапност до сите потрошувачи од овој регион на Македонија.
„Макпетрол ја заокружи минатата година со одлични финансиски резултати и со исто темпо продолжува и во оваа година. Продолжуваме со изградба на нови, како и осовременување и модернизирање на постојните бензински станици и складови низ републиката. Зацртаниот инвестициски циклус не завршува со оваа бензинска станица – наскоро не очекува отворање на новата бензинска станица во Вевчани. Во оваа бензинска станица се инвестирани околу 170 милиони денари, а истата ќе обезбеди 10 нови вработувања. При тоа, бензинската станица ги исполнува сите безбедносно – технички нормативи и во потполност ги исполнува современите функционални и естетски стандарди“. – изјави Љупчо Георгиевски, директор на дирекција за малопродажба.
