Вкупно 32.278 возила се увезени во Македонија во текот на целата мината година што и покрај пандемијата од коронавирусот, остварен е повеќе од солиден увоз.
Од оваа бројка 5.172 се нови патнички автомобили што е за 1.169 помалку во однос на 2019 година, но повеќе од 2012, 2013, 2014, 2015 и 2016 година.
Голем апсолутен, но и процентуален пад се забележува кај увозот на употребувани патнички автомобили. Така во текот на целата мината година се увезени 23.880 возила што е пад од точно 14.700 во однос на минатата година. Во текот на 2020 година увезени се и 792 нови товарни моторни возила, 2.233 употребувани товарни моторни возила, 49 нови автобуси и 152 употребувани автобуси и минибуси.
Во однос на вкупната бројка на увезени возила, во 2020 година се за 16.691 возило помалку, но на пример повеќе од 2017 година кога беа увезени 31.486 возила.
