Кои автомобили најдобро сопираат: Ќе се изненадите од резултаите

Германскиот автоклуб ADAC ги анализирал податоците за 48 автомобили кои го минале тестирањето на Euro NCAP во 2019 година и начинот како функционираат нивните системи за итно сопирање. Овој систем е присутен кај повеќето нови возила и е многу важен бидејќи ќе ги исправи грешките на возачот и автоматски ќе сопре кога ќе открие пречка пред возилото (ако возачот не успее да го стори тоа навреме).

При вкупната оценка изразена во проценти, ADAC ги одреди следниве сегменти: автоматско сопирање при итни случаи во градот (20% од вкупниот рејтинг), сопирање при ненадејно излегување на пешаци ноќе и преку ден (25%), сопирање – велосипедисти (25%). сопирање на патиштата надвор од градот (30%).

Резултатите се малку изненадувачки бидејќи на првите петнаесет места се најдоа многу возила кои не се од т.н. премиум сегмент, каде очекувате највисок квалитет на овие производи. Најдобар процент има VW T-Cross, го следат новиот Nissan Juke и Tesla Model 3. Тука се двете возила на Skoda и новиот Renault Clio.

На 33 место е новиот Golf кој воопшто не импресирал, а возилата како што се VW Sharan или Kia Ceed добија ниски оценки за непрепознавање на пешаците и велосипедистите. На дното се автомобилите кои немаат автоматски систем за сопирање при итни случаи во нивната опрема.