Парче картон и две чорапи можат да ве спасат од напорното утро за чистење на автомобилот што одзема доста време, но и нерви. Ако навечер поставите картон на шофершајбната, тој нема да се замрзне, а чорапите на бришачите ќе спречат нивно замрзнување и лепење за стаклото.
Ако тоа не сте го направиле, на чистењето би требало да му пристапите правилно. Симнување на мразот од бришачите и прскање со течност за шофершајбни не само да не е премногу ефикасно туку и предизвикува штета.
Ако сакате да ги вклучите бришачите кои се „залепени“ за шофершајбната тоаш може да дојде до дефект на електромоторот или механизмот. Со стругањето по мразот бришачите се оштетуваат, па подоцна во текот на бришењето оставаат траги по стаклото. Вратата не би требало да се отвора на сила, за да не се оштетат гумените делови околу неа.
Доколку не го исчистите снегот од кровот или од хаубата на автомобилот постои голема опасност за самите вас, но и за другите учесници во сообраќајот. Снегот кој паѓа од автомобилот ќе им пречи и на другите возачи, а вас при кочење може потполно да ве заслепи поради што лесно можете да предизвикате несреќа.
На моторот во текот на зимата му е потребно подолго време за да постигне работна температура, па затоа не треба да го „терате“ веднаш во високи вртежи. Додека го чистите автомобилот запалете го моторот, но немојте да седите во него и да чекате да се загрее. Моторот ќе постигне работна температура многу полесно додека возите.
Брави – Ако вашиот автомобил нема систем за далечинско отклучување и заклучување, едноставно во отворот на бравите можете да вбризгате течност за подмачкување.
Направете течност – Ако не сакате да стругате мраз од стаклата, дома направете течност да одмрзнување на стакла која потоа само ќе ја истурите на мразот. Измештајте литар алкохол, децилитар вода и една лажичка за кафе со детергент за перење на садови. Алкохолот и водата измешајте ги во размер 2:1.
Бришачи – За да не ги пронајдете наутре „залепени“ за шофершајбната, на нив можете да ставите чорапи. Покрај тоа едноставно можете и само да ги подигнете.
Ретровизори – Страничните ретворизори можат да се замрзнат, како и стаклата. За да не би морале да стругате мраз ниту од нив едноставно замотајте ги со ќеса и така спречете замрзнување, а можете да ги исчистите и претходно со наведената течност.
Картон – Често можете да видите дека возачите ставаат картон на стаклата во текот на зимата. Тоа е одлично решение за спречување на замрзнувањето. Исто така можете да користите и стар пешкир. Покрај тоа што себе си ќе си ја олесните работата, ги смалувате и шансите да го оштетите стаклото со стругање.
Картичка – Ако се најдете без некои од наведените алтернативи, а стаклата ви се замрзнати, едноставно послужете се со картичката од банка и истругајте го мразот од стаклата. Или уште поедноставно, картичките што ги имате за разни попусти, собирање поени…
Замаглени стакла – Во зима стаклата често се замаглуваат, а тоа најлесно може да се реши така што ќе се стави песок за мачки во стара чорапа и ќе се остави во автомобилот. Песокот за мачки одлично ја впива влагата, па ќе го спречи замаглувањето.
Следете не и на:
