Тинејџер од Германија успеа да постави рекорд за времето во кое ја загуби возачката дозвола. Само 49 минути откако ја доби, полицијата успеа да му ја одземе.
Осумнаесетгодишникот се враќал дома после успешно положениот тест кога го запрела полицијата во градот Хемер. Тоа се случило со користење на ласерски пиштол за детектирање на превисока брзина. Полицијата соопшти дека момчето возело двапати побрзо од дозволената брзина односно 95 километри на час во зона во која ограничувањето е 50 км/ч.
„Некои работи траат вечно, а некои ни цел час“, стои во соопштение на полицијата.
Момчето возело четворица пријатели во автомобилот, а возачката дозвола му е одземена формално на четири недели. Ќе ја врати назад дури откако ќе земе „скапи дополнителни часови“.
Покрај тоа се соочува и со казна од 200 евра, два казнени поени на возачката дозвола кога повторно ќе ја добие, а пробниот период за нов возач му е продолжен од две на четири години.
Следете не и на:
