Северноамериканскиот оддел од компанијата на Volkswagen објави интересно видео во кое се објаснува дел од развојната програма низ која минуваат прототиповите на целосно новиот и прв од видот за брендот 100% електричниот СУВ модел ID.4.
„Голем дел од развојната дејност е реализиран во Германија, пред автомобилите да дојдат кај нас и тоа што го правиме е да се увериме дека тие се соодветни за потребите и очекувањата на потрошувачите од САД“, велат од Volkswagen.
Развиен врз основа на модулната платформа за електрични автомобили MEB, Volkswagen ID.4 ќе се произведува и ќе се продава и во Европа, Кина и САД, а во зависност од модификацијата ќе се нуди слободен дострел до 500 километри.
Интересна карактеристика за Volkswagen ID.4 е таа дека при лансирањето на пазарот ќе се нуди во верзија со заден погон, а модификацијата со погон на четири тркала ќе биде пуштена на подоцнежна етапа.
Само пред неколку дена, Volkswagen ги објави и првите фотографии од надворешноста и внатрешноста на електричниот СУВ, a вчера беше и офиицијната промоција на новиот модел на германската компанија.
https://youtu.be/AQPVZPZqtJM
[totalpoll id=”43475″]
Следете не и на:
