Поради коронавирусот, цените на горивата на светските берзи неколку недели по ред паѓаат. Во понеделникот бевме и сведоци на рекорден пад на цената и во Македонија што секако дојде на позитивни реакции кај сите возачи.
Со исклучок на Грузија, Швајцарија, Словенија и Словачка, цената на горивата во сите останати европски земји бележат пад. Но дали знаете во моментов во која европска земја горивата се најевтини?
Според актуелните цени, дизелот е најевтин во Азербејџан каде се продава по 0,32 евра по литар. Следи Русија со 0,65 евра како и Белорусија, Молдавија и Ерменија каде цената се движи од 0,74 евра до 0,84 евра по литар. Во првиот дел на оваа листа се наоѓа и Македонија.
Од друга страна во Швајцарија цената на дизелот за литар изнесува 1,63 евра.
Бензинот пак, најевтин во моментов е во Русија каде се продава по цена од 0,64 евра. Следи Белорусија со цена од 0,74 евра, а во Азербејџан, Ерменија и Грузија цената се движи од 0,80 до 0,85 евра по литар. Во Македонија во моментов е најевтин бензинот во споредба со останатите земји од регионот.
Ако сакате да проверите за некоја конкретна земја можете да го посетите нашиот сајт во делот на Цени на горива.