На саемите никако да им тргне. Откако годинава видовме само неколку саеми, претежно организирани во Кина и САД, полека, но сигурно се одложуваат и саемите закажани за следната година.
Веќе се презакажани саемите во Њујорк, Детроит и Лос Анџелес, а неизвесно е одржувањето и на саемот во Женева. Во меѓувреме од Јапонија пристигна вест дека саемот за мотоцикли кој требаше да се одржи во 2021 година се одложува.
“Што се однесува до 48-то издание на саемот за мотоцикли во Токио, закажан за 2021 година, сакаме да објавиме дека истиот се откажува поради пандемијата на ковид-19” стои во соопштението на организаторот.
Овој саем беше најважен за јапонските производители на мотоцикли бидеќи токму на овој ги прикажуваа своите новитети и технолошки достигнувања со кои го освојуваа светскиот пазар.
Следете не и на:
