Ненадејно во Скопје почина Љупчо Михајловски еден од најпознатите автомобилски новинари во Македонија. Еден е од основачите на манифестацијата „Избор на автомобил на годината во Македонија“ и долгогодишен новинар во повеќе редакции.
Љупчо Михајловски остави длабок печат во светот на пишаниот збор, но и во електронските медиуми во земјава. Прераното заминување го дочека како уредник во списанието Авто Плус каде работеше последните години.
Првите чекори во новинарството ги направи во дневниот весник Вечер, пред три децении, во спортската рубрика, а потоа се префрли во економската, каде почна да пишува за автомобилизмот израснувајќи во големо новинарско перо.
Остави длабока трага во прилогот Авто Нома што излегуваше во весниците Нова Македонија и Вечер, во магазините: АвтоМотоМ, Современ Возач, Авто Плус, потоа „Високи Октани“, „5-та брзина“..
Беше еден од основачите на Националното Жири за избор на „Автомобил на годината во Македонија“ каде во два мандати беше и претседател.
Нека му е вечна слава
