Трендот на раст на продажбата на Seat и натаму продолжува. По минатата рекордна година, Seat забележа и рекордна полугодина кога е во прашање продажбата.
Поради тоа, за да може навремено да ги испорача автомобилите и да одговори на зголемената побарувачка, Seat објави дека започнува производство на Leon и Arona во фабриката во Алжир.
“Со цел да одговориме на нашата глобална стратегија, неопходно е да произведуваме модели и надвор од Европа, како што и другите европски производители” изјави Вице претседателот за маркетинг и продажба Вејн Грифитс. Тој ја потенцираше важноста за северно афричкиот пазар и моменталната улога на Seat, бренд најзаслужен за брзата експанзија на Volkswagen групацијата во овој дел од светот.
Инаку од 2017 година во фабриката во алжирскиот град Релизане се произведува Ibiza, а со Arona и Leon, производството ќе се искачи на три модели, наменети како за пазарите во северна Африка каде Seat бележи континуиран успех така и за Европа.
Следете не и на:
