Откако во Турција пред некоја недела беа уапсени неколку директни учесници во бегството на Карлос Гон од Јапонија, и во САД се случи истото.
Во акцијата која беше спроведена од полицијата во Масачусец, по налог на обвинителството лишени од слобода се Мајкл Тејлор и неговиот син Питер Тејлор.
- Advertisement -
Оваа акција следи по темелната истрага спроведена од страна на јапонското обвинителство кое утврдило вмешаност на овие лица.
Се наведува дека 59 годишниот Тејлор и неговиот 27 годишен син на два пати се сретнале во хотел во Токио со Карлос Гон и со уште едно лице, а потоа отпатувале во Осака. Од Осака во Токио пренеле два големи сандука за аудио опрема, а во едниот од нив успеале да го шверцуваат Карлос Гон.
