Пред само некоја недела пишувавме за плановите на Renault за укинување на моделите Espace, Talisman и Scenic. Причината за оваа одлука лежеше во падот на популарноста на возилата од соодветните сегменти како и популаризација на електричните возила.
Сепак поради коронавирусот и потребата од заштеда Renault Group е пред непопуларна одлука за укинување на моделот Alpine A110 кој за малку не стана автомобил на годината во Европа.
Ова спортско купе е единствениот модел во понудата на Alpine. Беше воведен во 2017 година, а како премиум автомобил достапен е на глобалниот пазар, но во многу ограничен број на примероци.
Токму поради незначителната продажба и значителните финансии овој автомобил сега е на излезна врата.
Делбо која е на чело на Renault изјави дека мора да се направат големи и тешки чекори за да се заштедат две милијарда евра во наредниот период. Таа додаде и дека не треба воопшто да се биде емотивен при тешките одлуки, а не треба да има и воопшто привилегирани модели.
Одлуката за тоа дали ќе биде повлечен од понудата и производството или не се очекува во текот на летото.
