Од Groupe PSA објавија нови детали за својата стратегија за електрифицирање на целата понуда на комби возила, вклучително и дека процесот ќе биде финализиран пред крајот на следната година.
Следејќи на целокупната стратегија за целосна електрификација на портфолиото на автомобилскиот гигант до 2025 година, после лансирањето на електричните верзии на средните и големи комби возила, одделните брендови на Groupe PSA ќе го направат истото и со малите комбиња, како и со нивните патнички верзии.
Погонските системи на електромобилите ќе бидат опремени со елементи на батеријата со капацитет од 50 kWh (ладење на вода) и електромотор со моќност од 136 коњски сили.
„Со овие целосно електрични верзии на компактните комби и нивните соодветни патнички верзии, Groupe PSA ја продолжува својата електрична офанзива и сега предлага целосно електрична комби понуда без компромиси во однос на перформансите“, вели Ксавиер Пежо, постар потпретседател за лесни категории на Groupe PSA.
Следете не и на:
