Несекојдневна вест доаѓа од хрватската престолнина Загреб. Како што пренесуваат хрватските медиуми, сопственичка на автомобил останала без истиот откако механичарот и го продал.
Неименувана сопственичка на Opel Corsa го однела својот автомобил на сервис, а механичарот наместо да го поправи истиот и го продал за 1.460 евра.
Механичарот-продавач при тоа фалсификувал и купопродажен договор на кој тој се потпишал наместо сопственичката. Сопственичката на автомобилот против 39 годишниот механчар поднесе пријава, а по службена должност истото го направи и полицијата која го достави посебниот извештај за обвинителството во Загреб.
Штетата од оваа измама се проценува на 3.400 евра.
Па едноставно, внимавајте каде го носите возилото на сервис. И секако, добијте потврда дека треба нешто да се поправи, а вие сте го оставиле возилото кај нив.
