Ford Motor Company објави дека целосно електричниот E-Transit, чија премиера ќе биде на 12 ноември, ќе се произведува во комплексот Kansas City Assembly Plant на компанијата и ќе биде лансиран на пазарот пред крајот на следната година.
Воведувањето на E-Transit во производството, кое ќе претходи на целосно електричната верзија на легендата F-150 кон средината на 2022 година е следниот чекор на компанијата во стратегијата за електрификација на портфолиото во која ќе бидат инвестирани повеќе од 3,2 милијарди долари.
За ефективното стартување на производството на E-Transit, Ford ќе направи дополнителна инвестиција од 100 милиони долари во својот комплекс во Канзас, каде ќе отвори и околу 150 нови работни места.
Од Ford споделуваат и интересни детали за иднината на целосно електричната верзија на F-150, поточно дека во позадина на првичната реакција на корисниците, компанијата зела решение за зголемување на производствените планови за 50%.
