Гигантот од САД, Ford може да го скрати списокот на своите вработени за 24.000. Поголемиот дел од кратењето на работните места ќе биде во Европа како дел од програмата за подобрување на претставувањето на компаниајта на Стариот континент.
Годинава стана јасно дека брендот може да тргне од понудата популарни модели како Mondeo, Galaxy и S-Max, а причината за тоа е лансирањето на автомобили кои носат поголема заработка. Тоа е насока која компанијата веќе почна да ја применува во Северна Америка.
Во Европа компанијата има проблеми со опаѓање на продажбата на дизел автомобилите, како и послаба побарувачка на некои од најпопуларните модели. Меѓу април и јуни во централата на САД беше заклучено дека бизнисот на Ford во Европа е намален за 73 милиони долари. Според Morgan Stanley, Ford планира да скрати околу 12 % од работната сила, односно 24.000 лица.
