Ford цели кон нулата емисија на штетни гасови за сите свои возила во Европа до 2035 година, и веројатно е дека неговата северноамериканска дивизија ќе го следи примерот. Сепак, се чини дека производителот на автомобили сè уште ќе ги прифаќа погонските единици со мотори со внатрешно согорување уште некое време, барем индиректно.
Според Ford Authority, извршниот директор Џим Фарли, на состанокот на акционерите на брендот во 2022 година изјавил дека има намера да произведува хибридни возила до 2035 година.
„Па, пред се, хибридот беше и ќе остане многу важен дел од нашата понуда во Ford и ја имаме најсилната хибридна постава досега“, рече Фарли кој вели дека лани компанијата продала речиси 88.000 хибридни возила само во САД, а веќе се продадени 36.000 само до април 2022.
„Ова е навистина возбудливо за нас да го видиме растот не само на нашите целосно електрични возила, туку и на нашата успешна експанзија на PHEV во Европа и Кина, и на HEV, особено овде во Северна Америка, како многу популарниот хибрид F-150. Ова е голема промена за нас, но што се однесува до хибридите и приклучоците, никогаш не сме биле повеќе посветени и продолжуваме да гледаме дека нашата продажба се забрзува поради нашата инвестиција во оваа технологија„, изјавил Фарли.
Хибридниот F-150 PowerBoost беше целосно нов за моделската 2021 година и беше важен во создавањето на најдбриот период за производство и продажба на хибриди на Ford. Покрај хибридниот камион, новиот компактен хибрид Ford Maverik исто така доживува огромен наплив на популарност, толку многу што компанијата мораше да престане да прима нарачки за моделската 2022 година поради ограничувањата на производството. За Европејците, Ford Kuga PHEV е исклучително популарна опција.
Ford имаше многу успех во хибридниот сектор, со многу од неговите возила далеку над очекувањата за продажба. Како резултат на тоа, Ford ќе хибридизира голем број од своите претстојни возила, како што се Bronco Sport, Ranger, па дури и Mustang.
Следете не и на:
