До 2022 година ќе биде завршено производството на патнички автомобили со дизелски мотори, коишто се изработуваат од страна на FIAT Chrysler Automobiles (FCA). Тоа е веќе зацртано во планот за стратешки развој на FCA, кој треба да биде претставен во текот на ова лето.
Причините за ваквата одлка се намалувањето на побарувачката на дизел возила во Европа, како и на високите расходи кои доаѓаат поради тоа што се поставени норми за испуштањето на штетните материи кај моторите.
Според различни експерти, изработувањето на новите мотори ќе поскапе за 20 проценти, само поради новите побарувања кои се наложени во законите за екологија.
Сепак, FCA нема целосно да ги запостави дизел моторите, па тие ќе може да се порачуваат кај леснотоварните модели од компанијата како што се пикапите во САД.
Во 2017 година 40,6 проценти од автомобилите продадени од FCA биле со дизел мотори.
Следете не и на:
