Додека електричните автомобили стануваат се подостапни за купувачите, кинеската влада се соочува со економскиот парадокс на „премногу добро да биде вистинито“. Регулации и нови правила се веќе на маса, а глобалниот пазар – особено европскиот – ќе биде клучен вентил за оваа електрична експанзија. Владата предупреди производители на автомобили поради ценовната војна – можно е воведување регулативи
Ценовната војна на пазарот на електрични возила (EV) во Кина достигна такво ниво, што загриженост изрази и самиот претседател Си Џинпинг. Неговата влада официјално предупреди неколку производители поради препроизводство и ненормално ниски цени, кои почнуваат да го загрозуваат економскиот раст на земјата.
ЕВ под 8.000 долар – евтини, но по која цена?
Најексплицитен пример е BYD Seagull, кој во Кина чини само 7.800 долари, додека истиот модел, под името Dolphin Surf, во Европа се продава за над 26.000 долари. Дури и кога ќе се земат предвид увозните давачки, разликата е драматична.
Проблемот не е само во цените – огромен број на производители (околу 50) се борат за опстанок, а многумина од нив не се профитабилни. Во април, индустрискиот просек на попусти бил 17%, двојно повеќе од минатогодишните 8%.
Владата на Си ќе интервенира – ако треба и со закон
Кинеската влада разгледува измени во законите за цените, кои би им забраниле на производителите да поставуваат неприродно ниски цени. Истовремено, неколку компании, меѓу кои и BYD, биле повикани на состанок со државни претставници каде добиле предупредување за премногу производство и низок капацитет на искористеност на фабриките – кај некои дури и под 2%“.
Извозот како решение за вишокот
За да избегне колапс на домашниот пазар, Кина активно промовира извоз на електрични возила, што веќе дава резултати. Кинеските брендови во моментов сочинуваат 5,1% од сите новорегистрирани возила во Европа – бројка што се очекува значително да расте.
