Секојдневното загадување на воздуот е постојана тема во овој период на годината. Постојано читаме за енормното зголемување и секогаш се зборува дека треба нешто да се превземе за тоа да се намали, а потоа и целосно надмине. Но, додека ние само зборуваме нашите соседи делуваат, и тоа на секој можен начин.
Еден од иновативните начини на борбата со загадениот воздух доаѓа од Бургас, Бугарија. Таму општина Бургас започна со ставање зелени капи на автобуските постојки во градот. Иновативната идеја е веќе применета во Европа па сега ќе се користи и во овој приморски град.
Ставањето зеленило на автобуските постојки се врши на одредени места каде што нема листопадни дрвја. Поради недостаток на сенка во текот на летните месеци, воздухот таму е потопол, а нивото на честички од прашина повисоко. Растенијата имаат можност да ги асимилираат, што ќе помогне делумно да се подобри квалитетот на воздухот.
Вегетацијата на автобуските постојки е специфична. Главно се користи во изградбата на градини на покривите на зградите, терасите и парковите. Издржува високи температури и недостаток на влага во текот на летото. Тој е отпорен на температури на замрзнување во зима.
Со реализацијата на идејата, постојките стануваат не само поубави, туку и овозможуваат повеќе зелени места во урбаното опкружување. Општината ја истражува можноста за инсталирање на повеќе вакви капи.
Следете не и на:
