Покрај истрагата што ја спроведуваат властите во повеќе земји во однос на лажните податоци на емисијата на гасови на возилата од Volkswagen групацијата, слична истрага има и во самата групација.
Audi веќе отпушти четири инженери во нивниот дизелски оддел. според германскиот весник Ханделсблат, меѓу оние што заминуваат се поранешниот шеф за развој на мотори, Улрих Вајс
Од компанијата потврдуваат дека четири инженери се ослободени од работните обврски, а единствениот коментар е дека „причината е повреда на службената должност“.
Вајс бил на должност 1,5 година, а отпуштањето доаѓа многу брзо по неговото сведочење пред германскиот суд дека главниот извршен директор на Ауди, Рупер Штадлер уште во 2012 година бил предупреден за инсталирањето на недозволен софтвер во возилата. Штадлер претходно тврдел дека тој не знаел за овој софтвер сѐ додека властите во САД не го објавиле скандалот во септември 2015 година.
