Dacia подготвува неколку нови модели кои ќе бидат поголеми од претходните автомобили на марката. Еден од овие евтини и стилски модели ќе биде хечбек кој ќе се спротивстави на VW Golf.
Изданието Motor1 се обиде да замисли како ќе изгледа новиот модел на Dacia, кој се уште нема добиено официјално име. Познато е дека неговата должина ќе биде приближно 4,5 метри, што ќе го смести новитетот помеѓу моделите Duster и Bigster. Сепак, неговиот дизајн ќе биде хечбек.
Меѓу главните конкуренти на новиот модел на Dacia се автомобилите од C-класата, како што се Volkswagen Golf и Opel Astra. Но, според традицијата, новата Dacia ќе има пониска цена, а според многу експерти се очекува да не надминува 20.000 евра.
Dacia има за цел да се етаблира во нов сегмент каде што купувачите бараат попрактични и пространи автомобили. Со оглед на постојаниот пораст на цените на новите автомобили, компанијата планира да ги понуди најприфатливите опции на пазарот и да ги погоди поранешните бестселери како што се Golf и Astra.
Се шпекулира дека новиот модел на Dacia ќе биде хечбек, кој ќе биде алтернатива на Renault Megane со мотор со внатрешно согорување (бидејќи вториот премина на електрична верзија). Покрај овој модел, брендот ја разгледува можноста за создавање на кросовер во облик на купе, голем караван или дури и евтин пикап.
