Вработените во автомобилските компании последниве години постојано добиваат бонуси за добро завршената фискална година. Но, не сите производители исплаќаат големи бонуси. Поради големите расходи, бонусите се се помали.
Германскиот Daimler ќе им исплати на своите вработени годишен бонус од само 597 евра, за разлика од минатата година кога изнесуваше 4.965 евра по работник. Тоа е деватпати помалку. Причината за вака ниски годишни награди на вработените треба да се побараат во намалувањето на годишната добивка на компанијата, што е основа од која се дистрибуираат бонусите.
Поточно, приходите пред оданочување и каматите и даноците се намалени за 61 процент на годишно ниво и изнесуваат 4,3 милијарди евра, иако вкупните приходи во 2019 година за малку се зголемија во однос на 2018 година.
Профитот е помал како резултат на аферата со издувните гасови според кој Daimler може да go чини милијарди евра. Дополнителен проблем е што сето ова се случува во време кога електрификација се одвива во автомобилската индустрија, па дури и во Mercedes.
Така, оваа година, околу 130.000 работници ќе бидат наградени со „само“ 597 евра, наместо ланските 4.965 евра. Оваа сума инаку би се однесувала на парите што им се исплаќа на вработените врз основа на годишниот профит на компанијата, а на вработените ќе им се исплати и посебен еднократен бонус до 500 евра како награда за нивното залагање.
Следете не и на:
