Апликацијата за мобилни телефони, Waze, која нуди услуги во областа на навигацијата, сообраќај и позиционирање на полициски патроли и е дел од гигантот Google, објави податоци за слободното движење на автомобилите во време на пандемијата COVID-19.
Од Waze споделуваат дека во позадина на објавените податоци, од компанијата набљудуваат драматичен масовен застој во употребата на превозните средства, а средниот показател за целиот свет, кој го цитираат од компанијата е пад од 60% во споредба со периодот од 11 до 25 февруари.
Податоците на Waze за една од најсериозно засегнатите земји од пандемијата Covid-19, Италија покажуваат пад од 90%, околу 80% во Франција и Шпанија и околу 60% во САД.
Од Waze стартуваат и неколку социјално одговорни кампањи, како оние во соработка со WhyHunger и No Kid Hungry во САД, како и нови функции на апликацијата, со кои се става акцент на објектите (за храна и не), кои нудат алтернативни можности за испорака.
Следете не и на:
