Случувањата околу електромобилите покажува позитивни бројки, но исто така покажуваат и недостатоци. Во декември во 2020 година во Германија се регистрирани 82.802 нови електрични автомобили. Според федералниот орган за автомобилски транспорт продажбите се имаат зголемено седумпати во споредба со истиот месец минатата година (плус 629 проценти). Тешката тема во овој развој е за инфраструктурате за полнење.
„Делот на електричните превозни средства на вкупниот пазар на лесни автомобили достигна нов врв од 26,6 проценти. Првпат пазарниот дел на електричните автомобили е повисок од тој на дизел автомобилите. На крајот на 2020 година беше 26,2 проценти“, велат од Асоцијацијата на автомобилската индустрија (VDA) во Федералната република.
Заклучокот е дека електромобилите постигнаа пазарен удел од 13,5 проценти во 2020 година откако беа региестрирани вкупно 394.943 нови електрични автомобили. Според VDA „германските производители успеаја да ја прошират уште повеќе силната позиција на внатрешниот пазар на електрични автомобили во 2020 година“. Во текот на целата година тие имаа пазарен удел од 67 проценти, а во декември достигнаа 68 проценти.
Проблематичното дете за проширување на електромобилноста е и ќе остане инфраструктурата за полнење. Според федералната мрежна агенција на 6 јануари во Германија имало точно 34.056 места кои се достапни за полнење. Со присуство на околу 580.000 електрични автомобили на почетокот на годината, 17 електрични возила треба да споделат една од нив. Во мај во 2020 година, соодносот бил околу десет електрични автомобили на еден пункт за полнење, а од асоцијацијата предупредуваат дека има потреба од повеќе.
