Откако е-тротинетите станаа сè поприсутни на улиците низ градовите дојде до предлог и за тоа колку треба да биде брзината со која тие се движат на улиите. Категорично се отфрла моментот дека некој сака да ги ограничи електричните тротинети. Се работи за еколошко транспортно средство кое го олеснува патувањето и дозволува индивидуално движење, а се намалува и користењето на автомобилот за патување на едно лице.
Идејата со намалувањето на брзината е да се најде регулатива која малку или повеќе ќе уреди движењето на електричните тротинети во однос на велосипедите. Ова прашање веќе се разработува кај источниот сосед каде што веќе три месеци се разработува предлог законот. Проблемите се во тоа што нема вакво искуство во некоја од земјите во Европа за да може да се има помош при регулирањето на овој тип на транспорт.
Едно од најважните прашања е каде овие тротинети можат да се движат. Најзастапениот предлог е дали тие можат да ја користат големата инфраструктура и да бидат третирани како велосипеди. Тоа значи дека е-тротинетите ќе може да возат по велосипедски патеки, како и во одреден дел на улиците. Сепак, тоа ќе биде само во оние делови каде ограничувањето е 50 км/ч.
Казните за нарушување на овие правила ќе бидат истите како и за велосипедистите. Се очекува да биде воведено и ограничување на возраста до 16 години. Оние што имаат 14 и 15 години ќе можат да возат, но само по велосипедските патеки. Таму максималната брзина на е-тротинетите ќе биде 25 км/ч.
