Акциите на Facebook паднаа за 8,3 проценти во петокот, најголем пад за три месеци, откако Unilever, еден од најголемите светски огласувачи, им се придружи на другите брендови во бојкотот против Facebook. Падот на цената на акциите значеше намалување на 56 милијарди долари од пазарната вредност на Facebook и ја намали нето-вредноста на Закерберг на 82,3 милијарди долари, според Bloomberg индексот на милијардери.
Цукерберг одговори на зголемените критики во петокот велејќи дека Facebook ќе ја прошири дефиницијата за забранет говор на омраза и дека нема да бидат дозволени реклами кои друга демографска категорија ја означуваат како опасна.
Во бојкотот на Facebook се приклучи и американската филијала на Honda. Тие преку соопштенија го потврдија тоа.
„Почнувајќи од јули, американската филијала на Honda ќе се откаже од натамошно рекламирање на Facebook и Instagram. Решивме да покажеме солидарност и да се обединиме со луѓето во борбата против омразата и расизмот. Овој потег е во согласност со вредностите на компанијата, кои во крајна линија се засноваат на меѓучовечко почитување “.
